Image

L-IĠM jilqa’ l-aħbar li l-Gvern laqa’ l-appell tal-IĠM billi se jagħti appoġġ finanzjarju lill-ġurnalisti u inkluda lill-fotografi freelancers fil-lista ta’ negozji li se jingħataw għajnuna finanzjarja

Appell għal aktar dettalji dwar x’tip ta’ għajnuna se tingħata

3 ta’ April 2020

L-Istitut tal-Ġurnalisti Maltin jilqa l-aħbar li l-Gvern laqa’ l-appelli li saru mill-IĠM f’ittra lill-Prim Ministru Robert Abela il-ġimgħa l-oħra: 1) l-għoti ta’ finanzjament lill-mezzi tax-xandir, b’rikonoxximent bħala pilastru ewlieni f’demokrazija u 2) iż-żieda ta’ fotografi freelance fil-lista ta’ persuni li se jibbenefikaw mill-għajnuna finanzjarja riżultat tal-impatt negattiv li qed tħalli l-COVID19.


Kif semmejna fl-istqarrija preċedenti, il-familja ġurnalistika, għandna numru ta’ ġurnalisti u fotografi/camerapersons li huma freelancers, jaħdmu għal rashom, li d-dħul tagħhom diġa’ naqas drastikament għax ix-xogħol tagħhom naqas billi per eżempju, bħalissa ma huma organizzati ebda attivitajiet sportivi, soċjali jew attivitajiet tal-massa li minnhom jiddependi ħafna mid-dħul ta’ dawn il-ġurnalisti.

Fl-aħħar jiem, f’laqgħa mal-Viċi President tal-Kummissjoni Ewropea Vera Jourova, il-Federazzjoni Ewropea tal-Ġurnalisti (EFJ) li l-IĠM hija membru tagħha, iddiskutiet il-ħtieġa li l-Unjoni Ewropea u l-Gvernijiet tal-Istati Membri, joħolqu pjan ta’ rkupru għas-settur ġurnalistiku li hu kruċjali f’demokrazija.

L-għaqda li tirrapreżenta lill-ġurnalisti appellat biex dan il-pjan ta irkupru ikun jinkludi:

– Żieda fl-iffinanzjar li l-istati jgħaddu lill-media,

– Appoġġ finanzjarju dirett għall-ġurnali ta’ kuljum u l-gazzetti –ta’ kull ġimgħa (għajnuna diretta, sussidji ta’ emerġenza biex jinżammu l-impjiegi, self bla imgħax, kreditu ta’ taxxi fuq il-pagi tal-purnalisti, tax credits lid-djar li għandhom abbonament fil-ġurnali, żjieda fir-reklamar tal-Gvern fil-media.

– Sussidji li jitqassmu minn korp indipendenti fuq kriterji oġġettivi bħalma huma: prova ta’ telf ta’ dħul minn reklamar, u media li jinsabu f’periklu għal raġunijiet finanzjarji.

– Jinħolqu Fondi mill-Unjoni Ewropea jew mill-pajjiżi membri msejħa “News Innovation Funds” li jgħinu, permezz ta’ korp indipendenti li jkunu jinkludi organiżazzjonijiet ġurnalistiċi, modi ġodda kif jinġabru l-aħbarijiet fuq livell komunitarju. Dan il-Korp ikun jista’ jqassam għotjiet biex jgħin il-ġurnaliżmu investigattiv u ‘start ups’ tal-aħbarijiet, fost innovazzjonijiet oħra.

– Vouchers ta’ abbonament fil-media stampata jew online, li jingħataw liċ-ċittadini kollha li għandhom 18 jew 19 il-sena.

Il-Viċi President tal-Kummissjoni Ewopea wiegħdet lill-Federazzjoni tal-Ġurnalisti Ewropej li se twassal dawn it-talbiet lill-Kummissjoni u se terġa’ tiltaqa’ mal-Federazzjoni fi żmien ħmistax il-ġurnata b’aġġornament ta’ dan it-talbiet.

Sadattant hi ħeġġet lill-organiżazzjonijiet nazzjonali tal-ġurnalisti biex jippressaw lill-Gvernijiet rispettivi tagħhom għal għajnuna mill-Istat u tat garanzija li l-Kumissjoni Ewropea taħt ebda ċirkostanza ma hi se topponi li tingħata għajnuna simili mill-gvernijiet tal-pajjiżi membri.

Għalhekk, l-Istitut tal-Ġurnalisti mill-ġdid jirringrazzja lill-Gvern Malti li fehem is-sitwazzjoni diffiċli li għaddejjin minnha l-kmamar tal-aħbarijiet lokali u l-irwol kruċjali tagħhom. Fl-istess waqt, l-IĠM jappella lill-Gvern biex jispeċifika fid-dettall x’tip ta’ għajnuna se tkun qed tingħata lis-settur ġurnalistiku.

Il-ġurnaliżmu hu pilastru tad-demokrazija u għalhekk jinħtieġlu kull għajnuna aktar u aktar f’dawn iż-żminijiet diffiċli.

Image

Ġurnalista mhedda – Kundanna bla riżerva għal kull tip ta’ theddid u intimidazzjoni fuq il-korp ġurnalistiku

7 ta’ Diċembru 2019

L-Istitut tal-Ġurnalisti Maltin (IĠM) jikkundanna t-theddid li sar fuq ġurnalista aktar kmieni llum. F’rapport li l-IĠM irċieva illejla, ġie infurmat li ġurnalista irċiviet ittra ta’ theddid fid-dar privata tagħha u li għalih, il-ġurnalista kellha tirrikorri għand il-Pulizija biex tagħmel rapport. L-IĠM itenni li l-ebda forma ta’ theddid u intimidazzjoni fuq membru jew membri tal-korp ġurnalistiku ma jiġi ttollerat jew aċċettat u għandu jiġi kkundannat bil-qawwa kollha.

L-IĠM juri solidarjetà mal-ġurnalista. 

Infakkru li l-irwol tal-ġurnalist hu fundamentali f’demokrazija, u huwa ta’ għajb kbir li nies li b’dedikazzjoni u sagrifiċċji jwettqu xogħolhom b’servizz lejn il-pubbliku, ikollhom iħabbtu wiċċhom ma’ atti kodardi bħal dawn. Dan il-każ isegwi sensiela ta’ inċidenti fl-aħħar jiem fejn ġurnalisti kienu mhedda, intimidati, imbuttati u ssuttati, każi li fihom l-IĠM ħarġet tikkundanna bla ebda riżerva. 

Insejjħu biex il-korp tal-Pulizija joffri il-protezzjoni meħtieġa lejn il-membri tal-korp ġurnalistiku u jinvestiga il-każ, kif għandhom jiġu investigati il-każi kollha ta’ theddid fuq il-membri tal-istampa u x-xandir, biex jinstab min kien wara dan it-theddid u jitressaq quddiem il-ġustizzja.

Image

The first ever Press Freedom Police Codex launched in Brussels

5th December 2019

The European Centre for Press and Media Freedom (ECPMF) launched its Press Freedom Police Codex on 4 December in Brussels. The Codex formulates in eight clauses how the police and journalists can work amicably together. The clauses are based on research into areas of conflict between the two professions from all over Europe. It addresses issues of police violence, surveillance, accreditation, protection of sources and confiscation of journalistic materials. With the launch of the  Codex, ECPMF aims to provide guidelines, establish and continue a dialogue between journalists and the police, to help the two professions work together more smoothly.

The Belgian representative of the European Confederation of Police (EuroCOP), Peter Smets, commented on the Codex adding this: “Due to the increase of violence in our society, journalists and police officers face the same challenges. This is a wake-up call for better communication. At the end of the day, we all want to come home safely.”

The Codex is a joint effort by ECPMF and the European Federation of Journalists (EFJ), Index on Censorship, Osservatorio Balcani e Caucaso Transeuropa (OBCT), Ossigeno per l’informazione (O2), and South East Europe Media Organisation (SEEMO). Together, they have pooled their research and experiences to produce eight guiding clauses that can inform the work of police and journalists. The points are as follows:

  1. Any violence by police staff against journalists is unacceptable;
  2. Journalists have the right to gather information and police should protect them from any illegal interference, especially at demonstrations;
  3. Journalists should have the right to identify individual police staff and to document and report on the work of the police forces;
  4. Police are not allowed to erase footage, nor to confiscate journalists’ equipment without a proper warrant;
  5. Journalists should not be criminalised, discriminated against nor blacklisted for their assumed political attitude;
  6. Journalists should not be targeted by police surveillance;
  7. If police harm, threaten or harass journalists, these actions must be condemned, investigated and made public by independent investigators;
  8. Police should be trained and regularly updated on journalists’ rights.

While ECPMF acknowledges that the relationship between journalists and the police is difficult, it is important to build a dialogue to encourage mutual respect, the upholding of human rights to nurture an environment in which press and media freedom can thrive.

“Everywhere you look you find the same problem: in the turmoil of protests, journalists are hindered in their work. Sometimes they are even attacked. The Press Freedom Police Codex is designed to give police and media professionals a clear set of guidelines on how to safeguard press and media freedom,” said ECPMF’s Managing Director, Lutz Kinkel. “We hope the clarity and practical usefulness of the Codex will help to minimise inappropriate clashes between police and journalists.”

EFJ Director Renate Schroeder said: ”The public, including the media and in particular journalists needs to have confidence in its police. This is only possible when there is an open and collaborative relationship between the police and the media.  Dialogue and training between both groups about its respective role is ever more urgent. Therefore we welcome the code and we welcome the dialogue with the police, and in particular with the police union, Euro-Cop.”

Click the link below to view the document:

https://www.ecpmf.eu/files/police_codex_mail.pdf

Image

Reazzjoni tal-IĠM għar-risposta tal-Prim Ministru għall-protest li sar dwar dak li seħħ f’Kastilja fil-lejl ta’ bejn id-29 u t-30 ta’ Novembru 2019

6 ta’ Diċembru 2019

L-Istitut tal-Ġurnalisti Maltin iħoss li r-risposta tal-Prim Ministru għall-Protest li sar kontrih mill-IĠM u numru ta’ ġurnalisti oħra, dwar l-aġir illegali li twettaq fil-konfront ta’ ġurnalisti Maltin u barranin li attendew għall-konferenza tal-aħbarijiet f’Kastilja fil-lejl bejn id-29 u t-30 ta’ Novembru, ikompli jikkonferma l-problemi serji li qed jiffaċċjaw il-ġurnalisti f’pajjiżna.

Permezz tal-Avukat Ġenerali, l-Prim Ministru qal li l-ġurnalisti attendew volontarjament għal din il-konferenza li għaliha kien hemm proċedura li tipprovdi għall-ordni ta’ ħruġ mis-sala fejn saret il-konferenza billi l-ewwel joħroġ mis-sala l-Prim Ministru u l-Ministru li kienu jakkumpanjawh u warajhom joħorġu l-pesuni l-oħra.

Il-ġurnalisti preżenti jiċħdu li f’xi mument kienu nfurmati b’din il-proċedura li żgur dwarha ma kien hemm ebda ftehim.

Il-Prim Ministru qal li hu fatt paċifiku li min jorganizza avveniment għandu dritt jistabilixxi proċedura għal dak l-avveniment. Il-Prim Ministru jaf li kemm il-darba l-ġurnalisti attendew għal avvenimenti organizzati minnu u qatt ma kienu stabbiliti proċeduri simili. Għalhekk jekk f’din l-okkażżjoni nħasset il-ħtieġa li tkun stabbilita xi proċedura partikolari, min attenda għaliha fuq stedina tal-Uffiċċju tiegħu kellu jkun infurmat b’din l-istedina.
Fil-Kontro Protest intqal li l-avvenimenti pubbliċi dejjem isegwu Protokoll dwar kif isir il-ħruġ fi tmiem l-avveniment. L-IĠM jistaqsi xi protokoll hu dan, ma’ min kien miftiehem u min kien jaf bih. Qatt qabel din l-okkażżjoni ma kien segwit tali protokoll jekk verament jeżisti.

Il-Prim Ministru qal ukoll li ma tħalliex joħroġ kulħadd f’daqqa mil-laqgħa biex ma jkunx hemm rassa, b’riskju wkoll għas-sigurtà. Dan hu insult għall-ġurnalisti li l-IĠM jikkundanna bil-qawwa kollha. Il-ġurnalisti qatt ma kkaġunaw rassa jew riskju għas-siġurtà, anzi diversi drabi jkunu huma nfushom li jsibu ruħhom f’riskju għas-sigurtà tagħhom biex jaqdu dmirhom.

Il-Prim Ministru fil-Kontro Protest tiegħu ma qal xejn dwar il-persuni li mbarraw il-bibien tas-sala bil-preżenza tagħhom u ma ħallewx lill-ġurnalisti joħorġu mis-sala.. Implika li dawn il-persuna li ma riedux jidentifikaw ruħhom u ma kellhom ebda tip ta’ identifikazzjoni kienu “addetti għas-sigurtà”.

L-IĠM jistaqsi, jekk dawn humiex impjegati tal-Gvern? Min qabbadhom biex ikunu “addetti għas-sigurtà”? Għaliex inħass il-bżonn, f’din l-okkażżjoni biss li jkum hemm addetti għas-sigurtà meta l-ġurnalisti li tħallew jidħlu għall-konferenza stampa kienu kollha identifikati u ġurnalisti ‘bona fide’? Dan hu insult ieħor għall-ġurnalisti li xi ħadd ħass il-bżonn li jagħmel is-sigurtà fuqhom biex ma jagħmlux xi ħaġa mhux proprja.

L-IĠM isostni li f’dik l-okkażżjoni, is-suppost “addetti għas-sigurtà” wettqu azzjoni illegali meta ma ħallewx lill-ġurnalisti joħorġu minn Kastilja immedjatament wara li ntemmet il-konferenza tal-Prim Ministru. Dan sar biex il-ġurnalisti ma jkunux jistgħu jaqdu dmirhom u jagħmlu d-domandi li ma tħallewx jagħmlu waqt il-konferenza fejn il-Prim Ministru ħa biss numru limitat ħafna ta’ domandi meta kien hemm aktar ġurnalisti li xtaqu jagħmlu d-domandi tagħhom.

Il-Prim Ministru temm il-kontro protest tiegħu billi qal li l-“addetti tas-sigurtà” kienu hemm biex jikkontrollaw il-folol. Jekk għall-Uffiċċju tal-Prim Ministu numru ta’ ġurnalisti mistiedna, għandhom jitqiesu “folla” u hemm bżonn li jkunu maniġġjati min “addetti għas-sigurtà”, allura veru li l-ogħla awtoritajiet tal-Gvern ma għandhom ebda rispett lejn il-membri tal-istampa.

Fid-dawl ta’ dan kollu, l-Istitut tal-Ġurnalisti Maltin irid jerġa’ jikkundanna bil-qawwa kollha dak li seħħ wara l-imsemmija konferenza stampa, jikkundanna t-tweġiba uffiċjali tal-Prim Ministru għall-protesta tiegħu u jsostni li se jibqa’ jaqdi dmiru u jipproteġi b’kull mod l-eżerċizzju ħieles tal-ġurnaliżmu liberu f’pajjiżna.

Hawn taħt tistgħu issibu kopja tal-kontro-protest li irċieva l-IĠM mingħand l-Uffiċċju tal-Prim Ministru: